Ikipe ya APR BBC yatsinze umukino wayo wa kabiri
Ikipe ya APR BBC yatsinze AS Douanes yari imbere y’abafana bayo muri Sénégal amanota 66-61, ibona intsinzi ya kabiri mu mikino itatu imaze gukina muri BAL 2024, Sahara Conference.
Ikipe ya AS Douanes yari mu rugo,ntiyorohewe na APR BBC byanatumye itsindwa umukino wa kabiri igowe cyane na Noel Obadiah.
Agace ka mbere k’uyu mukino karangiye AS Douanes yo muri Sénégal iyoboye n’amanota 17-11.
Agace ka mbere karangiye APR BBC amanota 27-26 ya AS Douanes ndetse uyu mukino wakomeje kugenda wegeranye kugeza APR BBC iwutsinze.
Noel Obadiah (APR) yatsinze amanota 24, rebounds 8 & assists 2 mu gihe Jean Jacques Boissy (AS Douanes) yatsinze amanota 14, Rebounds 8 & assists 11.
Mu mikino imaze gukinwa, US Monastir ikomeje kwitwara nabi kuko yayitsinzwe yose harimo n’uwo yatsinzwe uyu munsi na Rivers Hoopers yo muri Nigeria amanota 84-63.
Mu gihe US Monastir yaba isezerewe, umukino APR BBC,Rivers Hoopers na AS Douanes zayitsinzemo ntabwo wabarwa n’iyo yasubira imwe muri zo mu wo kwishyura.
