Amafoto yaranze umukino w’igikombe cy’isi Brazil yatsinzemo Serbia

Ikipe y’igihugu ya Brazil yaraye ikatishije ticket ya 1/8 mu mikino y’igikombe cy’isi ikomeje kubera mu gihugu cy’Uburusiya inafata umwanya wa mbere mu tsinda rya gatanu, nyuma yo gutsinda ikipe y’igihugu ya Serbia ibitego 2-0.

Ibitego bya Paulinho na Thiago Silva ni byo byafashije iyi kipe ifite ibikombe byinshi mu mateka y’igikombe cy’isi kurenga umutaru, mu gihe yari yatangiye nabi inganya n’Ubusuwisi, inatsinda Costa Rica bigoranye mu mukino wa kabiri w’itsinda.

Gutsinda uyu mukino byafashije iyi kipe y’umutoza Tite kwegukana umwanya wa mbere mu tsinda, binayiha amahirwe yo gucakirana na Mexique mu mukino wa 1/8 uteganyijwe ku wa mbere w’icyumweru gitaha.