Amafoto yaranze umukino Liverpool yanyagiyemo Manchester United utabonye
Mu ijoro ryakeye, ikipe ya Liverpool yanyagiye Manchester United ibitego 4-1, mu mukino w’irushanwa mpuzamahanga ry’ama Clubs wabereye Michigan muri Leta zunze ubumwe za Amerika.
Ni umukino witabiriwe n’abafana ibihumbi 102.
Liverpool ni yo yafunguye amazamu ku munota wa 28, ku gitego cyatsinzwe na Sadio Mane kuri penaliti. Iki gitego cyaje kwishyurwa na Andreas Perreira ku munota wa 31 w’umukino.
Amakipe yombi yagiye kuruhuka anganya 1-1.
Mu gice cya kabiri, Liverpool yokeje Manchester United igitutu birangira iyibonyemo ibitego 3. Igitego cya kabiri cyatsinzwe na Daniel Sturridge ku munota wa 66, Oluwaseyi Babaji Ojo atsinda icya gatatu kuri penaliti yo ku munota wa 74 mbere y’uko Xerdan Shaqir atsinda igitego cya kane ku munota wa 82 w’umukino.
