Zari Hassan yahaye umuhungu we impano y’agatangaza ku isabukuru ye(Amafoto)
Zari Hassan, umuherwekazi ukomoka muri Uganda uba Afurika y’Epfo, yahaye imfura ye, Pinto Tlale impano y’imodoka amwifuriza isabukuru nziza.
Pinto wujuje imyaka 20, yashimiwe na nyina wamuhaye impano y’imodoka nshya igezweho yo mu bwoko bwa Mercedes Benz.
Zari kandi yamugeneye ubutumwa bugira buti “Isabukuru nziza Pinto Tlale. Umeze nk’aho udakunda amafoto ya wenyine… Ndagukunda kibondo.”
Si ubwa mbere ahaye umwana we impano ihenze kuko mu mpera za 2022 yari yamuhaye iPhone 14 Pro Max.
Pinto ni imfura ye yabyaranye n’uwahoze ari umugabo we, Ivan Ssemwanga witabye Imana ariko bari baratandukanye.
Mu nama y’umuryango yabaye muri 2020 yemeje ko Pinto ari we uzazungura se, imitungo ye yose ari we uyifiteho uburenganzira.
Muri 2022 kandi Zari yagize Pinto umuyobozi muto w’ishuri rye riri muri Afurika y’Epfo rya “Brooklyn City Collage”.
