Umuzamu Bashunga Abouba wahoze muri Rayon Sports yerekeje muri Zambia
Umuzamu Bashunga Abouba umaze iminsi atandukanye na Rayon Sports, yamaze kwerekeza muri Buildcon FC yo muri Zambia ikinamo myugariro Faustin Usengimana.
Uyu muzamu uheruka gusezera mu kipe ya Rayon Sports, yasinye amasezerano y’imyaka ibiri muri iyi kipe ikinamo Faustin n’Umurundi David Nshimirimana.
Ni mu gihe amakuru yavugaga ko uyu musore ashobora kwerekeza muri Police FC, nk’umusimbura wa Bwanakweri Emmanuel byavugwaga ko ashobora kwerekeza muri Nkana FC na yo yo mu gihugu cya Zambia ajyanwe na Robert Mphande wahoze amutoza.
