Shassir ntari muri 18 Rayon Sports ihagurukana yerekeza i Dar es Salaam

Nyuma yo gukorera imyitozo ya nyuma kuri Stade Amahoro muri iki gitondo, umutoza Ivan Minnaert bamaze gutangaza amazina y’abakinnyi 18 bagomba guhagurukana berekeza i Dar es Salaam, mu mukino ugomba kubahuza na Yanga Africans, batarimo Nahimana Shassir.

Rayon Sports izasura Yanga, mu mukino wa kabiri w’itsinda rya kane muri CAF Conderation Cup ugomba kubera muri Tanzania kuri uyu wa gatatu.

Abakinnyi 18 umutoza Ivan Minnaert agomba kwiyambaza muri uyu mukino ntibarimo ba myugariro Faustin Usengimana na Abdoul Rwatubyaye. Faustin ntiyemerewe gukina uyu mukino, mu gihe Abdoul we adafite ibyangombwa bimwemerera gukina imikino nyafurika y’uyu mwaka.

Aba bakinnyi kandi ntibarimo Nahimana Shassir utanagaragaye mu ifoto y’urwibutso iyi kipe yafashe, mbere y’uko ikorera imyitozo kuri Stade Amahoro mu gitondo cy’uyu wa mbere.

Abakinnyi 18 Rayon Sports ihagurukana na bo:

Abazamu: Ndayisenga Kassim na Ndayishimiye Eric Bakame.

Ba myugariro: Manzi Thierry, Mugabo Gabriel, Mutsinzi Ange, Rutanga Eric Akram, Nyandwi Sadam na Irambona Gisa Eric.

Abakina hagati: Yannick Mukunzi, Kevin Muhire, Kwizera Pierrot, Mugisha Francois Master, Manishimwe Djabel na Yassin Mugume.

Abataha izamu: Christ Mbondi, Shabani Hussein Tchabalala, Bimenyimana Caleb na Ismailla Diarra.