Reba intego Zlatan na Beckham bahanye mu gihe Sweden cyangwa Abongereza baba begukanye igikombe cy’isi
Zlatan Ibrahmovic na David Beckham bahanye amasezerano agomba kubahirizwa mu gihe Ikipe y’igihugu y’Ubwongereza cyangwa iya Sweden yaba yegukanye igikommbe cy’isi cy’uyu mwaka.
Izi ntego aba bagabo bombi bagacishijeho muri ruhago bazishyizeho mu gihe aya makipe yombi afitanye umukino wa 1/4 cy’irangiza uyu munsi.
Zlatan Ibrahmovic ukomoka muri Sweden yabwiye Umwongereza David Beckham ko Abongereza nibaramuka batwaye igikombe cy’isi, azamutwara ahantu hose yifuza ku isi akamugurira icyo ashaka, gusa na we mu gihe Sweden yaba itwaye iki gikombe ko Beckham azamugurira icyo yifuza muri IKEA.
Ku ruhande rwa Beckham, yabwiye Zlatan ko Sweden niramuka itwaye igikombe cy’isi azamutwara muri Ikeasverge akamugurirayo icyo ari cyo cyose yifuza, gusa na we mu gihe Abongereza baba batwaye igikombe cy’Isi, ngo Zlatan agomba kuzaza kureba umukino w’ikipe y’igihugu y’Ubwongereza i Wembley yambaye umwambaro wayo hanyuma bagasangira ifi na Pizza mu kiruhuko cy’igice cya mbere.
Ese wowe urabona amahirwe ari aya nde? Ese Sweden izegukana iki gikombe maze Beckham atware Zlatan muri IKEA, cyangwa Abongereza ni bo bazacyegukana maze tubone Zlatan yambaye umwambaro w’ikipe y’igihugu y’Abongereza?
