PSG yahinduye umuvuno isinyisha umutoza wa Barcelona
None kuri uyu wa Gatatu tariki 5 Nyakanga ikipe ya Paris St Germain yerekanye umutoza mushya wayo wasimbuye Christopher Galtier wirukanywe none agahita asimbuzwa Luis Enrique Akagirwa umutoza wa PSG ku masezerano y’ imyaka 2 akaba yasinye agahita anerekwa n’ itangazamakuru.
Luis Enrique Martínez Garcia ni umunya Espagnne ufite imyaka 53. uyu mutoza w’ igihangange yatangiriye ibirebana na ruhago mu ikipe ya Sporting Gijón mu 1989 kugeza 1992 maze akomereza muri Real Madrid kuva 1992 kugeza 1996 akaza kuyivamo ajya muri mukeba wayo FC Barcelona yakiniye kuva 1996 kugeza 2004.
Mu 2004 yasohotse muri Barcelona ahagaritse gukina umupira w’ amaguru maze nyuma y’ imyaka 4 yose adakina yiyemeza kugaruka muri ruhago ari umutoza aho yatangiranye n’ikipe ya Barcelona B yatoje kuva 2008 kugeza 2011 maze akomereza muri AS Roma yatoje kuva 2011 kugeza 2012 akahava yerekeza muri Celta Vigo akayitoza 2013 n’2014 ari nabwo Barça yamwitabaje mu 2014 maze akanatwarana nayo ibikombe bye bya mbere nk’ umutoza.
Mu mwaka w’ imikino 2014-2015 yatwaranye nayo Igikombe kiruta ibindi i Burayi cya UEFA Champions League, atwara Shampiyona y’ Espagne izwi nka La Liga hamwe n’ igikombe cy’ Umwami kizwi nka Copa del Rey n’ Igikombe k’ Isi cy’ Amaclub. Enrique yasohotse muri Barcelona 2017. Maze agahita ajya gutoza ikipe ya Espagne muri Nyakanga July 2018 kugera muri Kamena 2019 akaza kongererwa amasezerano yo kuva Ugushyingo 2019 kugeza mu Ukuboza 2022.
