NBA: Stephen Curry yafashije Golden State gusubira Cleveland Cavaliers

Golden State warriors ya Stephen Curry na bagenzi be yaraye itsinze umukino wa kabiri wa nyuma wa shampiyona ya Leta zunze Ubumwe za Amerika, nyuma yo gutsinda Cleveland Cavaliers ya Le    Bron James amanota 122-103.

Ni nyuma y’uko umwaka w’imikino ushize Golden State yari yatwaye Cleverland igikombe cya shampiyona iyitsinze imikino 4-1.

Intego ya The Cavs kwari ugutsinda byibura umukino w’uyu munsi bakanganya umukino 1-1 bakazakiranurwa n’imikino isigaye.

Golden State yari iri ku kibuga cyayo Oracle Arena ni yo yinjiye mu mukino mbere, iranawuyobora, irangiza agace ka mbere ifite amanota 32 kuri 28 ya The Cavs.

Iyi kipe yanayoboye agace kakabiri, ikarangiza ifite amanota 27 kuri 18 ya Cleverland Cavaliers.

Cleveland y’umutoza Tyronn Lue yabonaga ko ibintu bitayorohera yaje gukanguka, yegukana agace ka gatatu ku manota 34 kuri 31 ya Golden State, The Warriors igaruka yegukana agace ka kane ku manota 32 kuri 23.

Muri uyu mukino, Stephen Curry wa Warriors ni we watsinze amanota menshi (33) atanga n’imipira umunani ivamo amanota,akora Rebounds 9.

Kevin Durant bakinana yatsinze amanota 26, mu gihe Klay Thompson yatsinze amanota 20.

Ku ruhande rwa The Cavs, LeBron James unaniwe cyane ni we watsinze amanota menshi(29), atanga imipira 13 yavuyemo amanota ndetse na Rebounds 9, mu gihe Kevin Love yatsinze amanota 22.

Uyu mukino uje usanga uwa mbere Golden State yatsinzemo Cleverland ku manota 124 ku 114 ya Cleverland.

Imikino ibiri itaha itaha izabera ku kibuga cya Cleveland Quicken Loans Arena. Mu gihe Golden State na yo yayitsinda, yahita yegukana igikombe cya shampiyona ku ncuro ya kabiri yikurikiranya, gusa Cavaliers iramutse hari uwo itsinzemo, hazagenda hongerwaho umwe umwe kugeza igihe habonekeye ikipe itsinzi indi.