Leroy Sané ntari muri 23 Ubudage buzifashisha mu gikombe cy’isi

Inkuru ikomeje gutungura abantu benshi ni iya rutahizamu wa Manchester City, Leroy Sane utagaragara mu bakinnyi 23 ikipe y’igihugu y’Ubudage izifashisha mu mikino y’igikombe cy’isi.

Uyu musore ni umwe mu bafashishe cyane ikipe ya Manchester City kwegukana igikombe cya shampiyona y’Abongereza iciye agahigo ko kuzuza amanota 100, nyuma yo kuyitsindira ibitego 10 akanatanga imipira 15 yavuyemo ibitego mu mikino 28 ya shampiyona yayikiniye.

Ikindi, yanatowe nk’umukinnyi muto wahize abandi muri Premier League.

Gusa ibi ntacyo bivuze imbere y’umutoza Joachim Low utoza Ubudage, kuko yamaze kuvana uyu musore w’imyaka 22 mu kipe azifashisha mu gikombe cy’isi, akaba ari kumwe n’abandi basore batatu: Bernd Leno, Jonathan Tah na Nils Petersen.

Uretse Leroy Sané, abandi bakinnyi bamenyerewe mu kipe y’Ubudage barahari, aha twavuga nka Mesut Ozil wa Arsenal, Ikally Gundogan wa Manchester City, Jerome Boateng ukirutse imvune ndetse n’umuzamu Manuel Nuer wanahawe umwambaro wa mbere muri iyi kipe.

23 Joachim Low azifashisha mu gikombe cy’isi:

Abazamu: Manuel Neuer (Bayern Munich), Marc-Andre ter Stegen (Barcelona), Kevin Trapp (Paris Saint-Germain)

Ba myugariro: Mats Hummels (Bayern Munich), Jerome Boateng (Bayern Munich), Joshua Kimmich (Bayern Munich), Jonas Hector (Cologne), Matthias Ginter (Borussia Monchengladbach), Niklas Sule (Bayern Munich), Antonio Rudiger (Chelsea), Marvin Plattenhardt (Hertha Berlin)

Abakina hagati: Toni Kroos (Real Madrid), Mesut Ozil (Arsenal), Sami Khedira (Juventus), Thomas Muller (Bayern Munich), Sebastian Rudy (Bayern Munich), Marco Reus (Borussia Dortmund), Leon Goretzka (Schalke), Julian Draxler (Paris Saint-Germain), Ilkay Gundogan (Manchester City), Julian Brandt (Bayer Leverkusen)

Abataka: Timo Werner (RB Leipzig), Mario Gomez (Stuttgart)