King James na Queen Cha bazataramira abafana ba Rayon Sports mu birori ikipe yabo ifite
Ku munsi w’ejo ku wa kane tariki ya 25 Ukwakira, abahanzi babiri barimo Ruhumuriza James uzwi nka King James na Yvonne Mugemana uzwi nka Queen Cha, bazaririmbira abafana ba Rayon Sports mu muhango wo kumurika imyambaro n’abakinnyi iyi kipe izakoresha muri uyu mwaka w’imikino.
Ni umuhango uteganyijwe kubera kuri Petit Stade i Remera ku munsi w’ejo guhera saa kumi n’imwe z’umugoroba.
Uretse aba bahanzi bombi badahwema kugaragaza ko bahoza Rayon Sports ku mutima bazaba bataramira abitabiriye ibi birori, abazabyitabira kandi uretse kuryoherwa n’umuziki ntibazigera bicwa n’inzara cyangwa nk’uko ubuyobozi bwa Rayon Sports bubitangaza.
Kwinjira muri ibi birori bizaba ari amafaranga 2000 ndetse n’ibihumbi 5 mu myanya y’icyubahiro.
