Ingabo z’Amerika zagabweho igitero cyahitanye batatu
Abasirikare 3 ba Amerika baguye mu gitero cyagabwe hifashishijwe drone, ni igitero cyabereye hafi y’umupaka wa Yorudaniya na Syria.
Ibi byatangajwe na Perezida wa Leta Zunze Ubumwe za Amerika, Joe Biden, aho yatangaje ko iki gitero cyagabwe n’ “imitwe yitwara gisirikare ishyigikiwe na Irani”.
Ni ubwambere bibaye kuva Hamas yatera Israel.
Irani yatangaje ko nta ruhare yagize muri icyo gitero nk’uko iyi nkuru dukesha BBC ivuga.
Yorudaniya ivuga ko icyo gitero cyabereye muri Syria, atari imbere muri Yorudaniya.
Hari hamaze kuba ibindi bitero ku birindiro by’Abanyamerika muri kariya karere, ariko mbere yo ku Cyumweru nta basirikare bari bagahitanywe nabyo nk’uko byemezwa n’Igisirikare cya Amerika.
Ntiharamenyekana uwihishe inyuma y’iki gitero giheruka.
Perezida Biden yavuze ko ibi bitagomba kurangira gutyo kuko igomba kubigenzura kugera ubwo hamenyekana ababigizemo uruhare.
