Inama y’Abaminisitiri yemeje umushinjacyaha mukuru mushya
Jean Bosco Mutangana wari umaze imyaka itatu agizwe umushinjacyaha mukuru, yasimbujwe Havugiyaremye Aimable nk’uko bigaragara mu myanzuro y’inama y’Abaminisitri yo ku wa 28 Ugushyingo 2019.
Ku itariki ya 09 Ukuboza 2016 nibwo inama y’ abaminisitiri yagize Mutangana umushinjacyaha mukuru asimbuye Richard Muhumuza.
Havugiyaremye Aimable wahawe uyu mwanya, yari amaze imyaka ibiri ari Umuyobozi wa Komisiyo y’igihugu ishinzwe ivugururwa ry’amategeko (RLRC).
Havugiraremye Aimable mbere y’ uko atangira inshingano nshya nk’ umushinjacyaha mukuru azabanza kwemezwa na Sena y’ u Rwanda nubwo izi nshingano nshya yazihawe n’ inama y’ abaminisitiri.
Soma imyanzuro yose y’iyi nama y’abaminisitiri: https://teradignews.rw/ibyemezo-byinama-yabaminisitiri-idasanzwe-yo-kuwa-28-ugushyingo-2019/
