Ikipe ya Paris Saint Germain isezerewe muri Champions League
Kuri uyu wa Kabiri tariki ya 06 Werurwe 2018, imikino yo kwishyura ya Champions League yari yakomeje , umukino wari wahuruje imbaga ni uwo Real Madrid isezereyemo Paris Saint Germain mu mukino urangiye ari 1-2.
Uyu ni umukino wari wabereye i Paris mu Bufaransa , Paris Saint Germain yasabwaga gutsinda Real Madrid nibura ibitego nibura 2 ku busa bwa Real Madrid kugirango bibe ibitego 3-3 ariko PSG igakomeza bitewe n’igitego yatsindiye hanze kuko mu mukino ubanza wabereye i Madrid warangiye ari ibitego 3 bya Real Madrid kuri 1 cya PSG, cyangwa se igatsinda ibitego birenze 2 .
Mu gice cya mbere ikipe ya Real Madrid niyo yari iri gukina neza kurushya PSG yakinnye idafite Neymar wavunitse akaba azanamara amezi atatu adakina maze kirangira ari 0-0. byose byari bigishoboka maze igice cya kabiri PSG igitangirana ingufu ishaka uburyo yakomeza.
Iyi mibare ya PSG ariko yaje kwanga kuko ku munota wa 52 Christiano Ronaldo yatsinze igitego cy’umutwe maze PSG ihita isigarana ihurizo rikomeye ryo gutsinda noneho ibitego 4 kugira ngo yizere gukomeza.
Byabaye kurira umusozi muremure ku ikipe ya PSG kuko ku munota wa 66 Marco Verratti yahawe ikarita y’umutuku ariko ntibyabujije Edinson Cavani kwishyura igitego cya Real Madrid.
Ibintu byaje kuba bibi ku munota wa 80 Casemiro yatsindiye Real Madrid igitego cya kabiri gishimangira insinzi maze umukino urangira ari ibitego 1-2. Real Madrid isezereye PSG ku bitego 5-2.
Mu wundi mukino wabaye , Liverpool yanganyije na FC Porto 0-0 .
Ababanjemo ku ruhande rwa Real Madrid: Navas; Carvajal, Ramos, Varane, Marcelo; Vazquez, Casemiro, Kovacic, Asensio; Ronaldo, Benzema.
