Idrissa Gana Gueye yabaye Umunya-Senegal wa munani ugiye gukinira PSG
Umunya-Senegal Idrissa Gana Gueye, yamaze kwerekeza muri PSG yo mu Bufaransa aba umunya-Senegal wa munani ugiye gukinira iyi kipe y’i Paris mu mateka yayo.
Amakuru avuga ko PSG yaguze uyu musore akayabo ka miliyoni 28 z’ama-Pounds.
Ku cyumweru ni bwo uyu musore yari yahagurutse yerekeza i Paris mu Bufaransa, akora ikizami cy’ubuzima ku munsi w’ejo mbere yo gusinya amasezerano y’imyaka ine kuri uyu wa kabiri.
Gana Gueye abaye Umunya-Senegal wa munani ugiye gukinira PSG, nyuma ya Boubacar Sarr wakiniye iyi kipe hagati ya 1979-1983, Oumar Sene wayikiniye hagati ya 1985-1992, Jules Bocande wayikiniye hagati ya 1986-87, Albouly Lah wayikiniye hagati ya 1983-93, Oumar Dieng wayikiniye hagati ya 1994-96, Aliou Cisse wayikiniye hagati ya 1998-2001 na Boukary Drame wayikiniye hagati ya 2005 na 2007.
Everton Gana Gueye yakiniraga, yari yarayigezemo muri 2016 avuye mu kipe ya Aston Villa.
