CECAFA Kagame Cup 2019: Mukura VS yanganyije na Bandari FC-AMAFOTO

Mukura VS ibarizwa mu mujyi wa Huye yongeye gutakaza amanota abiri inganya na Bandari FC yo muri Kenya mu mukino wa kabiri wo mu itsinda B muri CECAFA Kagame Cup 2019 ikomeje kubera mu Rwanda.

Ni umukino wabereye kuri stade ya Huye guhera saa saba, Bandari FC ni yo yabanje gufungura amazamu ku munota wa 32 igitego gitsinzwe na Shabaan Kenga, mukura VS yakomeje gusatira izamu rya Bandari FC yishyura iki gitego ku munota wa 46 gitsinzwe na Nkirinkindi Saleh.

Ku munota wa 83 Ntwali Evode yatsindiye Mukura VS igitego cya kabiri abafana batangira kwizera ko bagiye kubona amanota atatu dore ko umukino wa mbere bari bawutsinzwe na Azam FC 0-1.

Ku munota wa 92 ni bwo Bandari FC yishyuye iki gitego gitsinzwe na Yema Muama.