Bashaka itike y’igikombe cy’isi: Abarundi bananiwe gutsindira Tanzania iwabo
Ikipe y’igihugu y’u Burundi Intamba mu rugamba, yananiwe gutsindira i Bujumbura Taifa Stars ya Tanzania bagwa miswi igitego 1-1, mu mukino w’ijonjora ry’ibanze ryo gushaka itike y’igikombe cy’isi kizabera muri Qatar mu mwaka wa 2022.
Ibitego by’amakipe yombi byinjiye mu minota ya nyuma y’umukino, dore ko iminota 81 y’umukino yari yarangiye amakipe yombi anganya 0-0.
Intamba mu rugamba zafunguye amazamu ku munota wa 82 w’umukino, ku gitego cyatsinzwe na Kabuhariwe Amiss Cedrick.
Tanzania yishyuye iki gitego ku munota wa 85 w’umukino ibifashiwemo na Simon Musuva.
Mu yindi mikino yabaye: Eritrea yatsinzwe na Namibia ibitego 2-1, Ethiopia na Lesotho bagwa miswi 0-0, mu gihe Sudani y’Amajyepfo na Guinea Equatoriale baguye miswi 1-1.
