APR FC yanyagiye Yanga Africans SC itangira guhumurirwa igikombe(Amafoto)

APR FC yageze muri 1/2 cya Mapinduzi Cup, nyuma yo kunyagira Young Africans SC yo muri Tanzania ibitego 3-1,mu mukino yigaragajemo cyane.

Ikipe ya APR FC yatangiye nabi iri rushanwa itsindwa na Singida ibitego 3-1,yagiye ikurira mu irushanwa none byarangiye ikuyemo ikigugu Yanga SC cyahabwaga amahirwe yo kuryegukana.

Icyakora APR FC yatangiye uyu mukino nabi byatumye ku munota wa 23 uwitwa Jesus Moloko afungura amazamu ku ruhande rwa Yanga SC.

Ku munota wa 3 muri 4 zari zongerewe kuri 45,APR FC yishyuye iki gitego ibifashijwemo Sanda Sulei washyize mu rushundura umupira umunyezamu wa Yanga SC yarutse. Amakipe yombi yagiye kuruhuka ari 1-1.

Ku munota wa 48,Mbaoma Victor yatsindiye APR FC igitego cya kabiri kuri penaliti nyuma y’ikosa umunyezamu Msherry yakoreye kuri Nzotanga.

APR FC yatsinze igitego cya gatatu ku munota wa 80 gitsinzwe na Sharaf Eldin Shiboub Ali Abdelrahman ku mupira yari ahawe na Mbonyumwami Taiba.

Umukino warangiye APR FC ikatishije itike ya 1/2 itsinze ibitego 3-1 Yanga SC.Salomon Banga Bindjeme Charles ni we watowe nk’umukinnyi w’umukino.

Muri uyu mukino,Yanga SC ntiyakoresheje abakinnyi igenderaho nka Azziz Ki,Pacome,Aucho n’abandi benshi.

Muri 1/2 APR FC ikaba igomba kuzahura na Mlandege yasezereye KVZ SC.

Amahirwe menshi nuko APR FC iramutse igeze ku mukino wa nyuma ishobora kuhahurira na Simba SC, izahura na Jamhuri muri 1/2.

Inkuru yabanje

Umutoza wa APR FC yahishuye uburyo azakoresha kugira ngo asezerere Yanga SC