APR FC ibabaje abakunzi bayo ku nshuro ya Kabiri yikurikiranya
Ikipe ya APR FC imbere y’abafana bayo yatunguranye inanirwa gutsinda Gaadiidka FC mu mukino w’ijonjora rya mbere ry’imikino ya CAF Champions League.
Ni umukino wabaye kuri uyu wa Gatandatu taliki 19 saa cyenda kuri Kigali Pelé Stadium. Ni umukino ubanza w’ijonjora ry’ibanze mu mikino ya CAF Champions League 2023-2024.
Ikipe ya APR FC yaserukiye u Rwanda muri CAF Champions League nyuma yo kwegukana shampiyona y’icyiciro cya mbere y’umwaka ushize w’imikino.
Abakinnyi 11 APR FC yabanje mu kibuga:Pavelh Ndizira,Buregeya Prince,Ombolenga Fitina,Ishimwe Christian, Nshimiyimana Yunnusu,Nshimiyimana Ismael,Ali Shaiboub,Ruboneka Bosco,Apam Bemol,Kwitonda Allain Bacca ,Thadeo Luanga na Victory Mbaoma
Abakinnyi 11 ba Gaadiidka FC babanje mu kibuga: Alkadi ARIAS,Osman MOHAMED, Pentecost IKEDINACHI, MOHAMMED Hussein,ZAKARI Soohyane, ABDIRAHMAN Abdiwali,ALUWATOBI Paul,MORO Christian ,OUATTARA Said ,LANDARY Francois na KAGABA Nicholas.
Uko umukino wagenze umunota ku munota:
Umukino urangiye APR FC yari yitezweho gutsinda mu buryo bworoshye inganyije na Gaadiidka FC yo muri Somalia igitego 1-1
90+2′ Niyibizi Ramadhan arase igitego ku mupira mwiza yarahawe na Mugisha Gilbert
90+1’Abakinnyi ba Gaadiidka FC bari kuryama hasi batinza umukino
Umukino wongeyeho iminota 4
88′ APR FC yongeye kubona kufura nziza ku ikosa ryari rikorewe Ruboneka maze iterwa na Niyibizi Ramadhan ariko iragenda ijya mu biganza by’umuzamu
85′ APR FC ibonye kufura nziza mu rubuga rw’mahina rwa Gaadiidka FC ariko Christian ayiteye ntihagira ikivamo
78′ Umutoza wa APR FC akoze impinduka mu kibuga havamo Shaiboub hinjiramo Mugisha Gilbert
73′ Apam Bemol asimbuwe na Niyibizi Ramadhan
71′ MOHAMMED Hussein watsinze igitego cya Gaadiidka FC aryamye hasi ari kwitabwaho n’abaganga
69′ Shaiboub azamukanye umupira mu kibuga hagati ageze imbere y’izamu arekura ishoti ariko umuzamu wa Gaadiidka FC aba maso arawufata
Ruboneka winjiye mu kibuga asimbuye agakorerwaho amakosa menshi yagiye avamo kufura nubwo nta cyo zagiye zibyara
67′ Ruboneka atsinze igitego ariko umusifuzi asifura kurarira
65′ LANDARY Francois wa Gaadiidka FC yaragerageje kurekera ishoti riremeye ariko umuzamu wa APR FC aratabara
63′ APR FC ikoze impinduka mu kibuga havamo, Allain Bacca avuye mu kibuga hinjiramo Allain Bacca
60′ Nshimiyimana Ismael yararekuye ishoti riremeye ariko rinyura hejuru y’izamu ku mupira mwiza yarahawe na Allain Bacca
57′ Fitina Ombolenga yarazamukanye umupira neza ariko LANDARY Francois amutereka hasi bimuviramo no guhabwa ikarita
55′ Pentecost IKEDINACHI wa Gaadiidka FC aryamye hasi ari kwitabwaho n’abaganga
53′ Nyuma yo kubona igitego cyo kwishyura,APR FC ikomeje gukina neza ikinira hagati mu kibuga
48′ Fitina Ombolenga azamukanye neza umupira ageze mu rubuga rw’mahina ahereza umupira, Victor Mbaoma ahita atereka umupira mu nshundura,APR FC iba ibonye igitego cyo kwishyura
46′ APR FC itangiye isatira ibona kufura nziza iterwa neza na Christian iragenda isanga Victor Mbaoma ariko ashyizeho umutwe ihita irenga
Igice cya mbere kirangiye Gaadiidka FC iyoboye n’igitego 1-0
Igice cya mbere cyongeweho iminota 2
44′ Abakinnyi ba APR FC bari kwiharira umupira bashaka aho bakwinjirira ngo bashake igitego cyo kwishyura
40′ Bamyugariro ba Gaadiidka FC bakomeje gukora akazi gakomeye bakuraho imipira,Apam Bemol yaracenze neza arekuye ishoti ariko bahita baryitambika
37’Nyuma yo gutsindwa igitego,APR FC itangiye urugendo rwo kwishyura, Christian ateye kufura ashaka Victor Mbaoma ariko ba myugariro ba Gaadiidka FC bawushyira muri koroneri
32′ Gaadiidka FC ifunguye amazamu ku mupira umuzamu wa APR FC yihereye MOHAMMED Hussein ahita arekura ishoti rirerire ashiduka ryageze mu izamu
28′ Abasore ba Gaadiidka FC bakomeje kubona kufura nyinshi gusa ntibazibyaze umusaruro
26′ APR FC ibonye kufura nziza ku ikosa ryari rikorewe Shaiboub maze iterwa na Yunnusu ariko ba myugariro ba Gaadiidka FC bayishyira muri koroneri
21′ Gaadiidka FC ibonye uburyo imbere y’izamu rya APR FC Pentecost IKEDINACHI arekura ishoti ariko umuzamu wa APR FC arawufata
18′ Nshimiyimana Ismael arekuye ishoti ripima amatoni ariko Alkadi Alias arishyira muri koroneri
17′ Fitina Ombolenga ahinduye umupira mwiza imbere y’izamu usanga Shaiboub nawe arekura ishoti ariko myugariro wa Gaadiidka FC ahita awushyira muri koroneri
Munyakazi Sadate (iburyo) yicaranye na Jimmy Mulisa (ibumoso) bareba umukino
13′ Ikipe ya APR FC ikomeje gucana umuriro imbere y’izamu rya Gaadiidka FC, Allain Bacca abonye umupira mwiza mu rubuga rw’mahina arekura ishoti riremeye ariko Alkadi Alias awufata nta nkomyi
10′ Abasore ba APR FC bari kugerageza kuzamura imipira miremire bashaka rutahizamu wabo, Victor ariko ba myugariro ba Gaadiidka FC bakawukuraho
7′ Ishimwe Christian azamukanye neza umupira arawuhindura ashaka Victor Mbaoma ariko myugariro wa Gaadiidka FC witwa Abdiwali ahita ayikuraho
5’Umupira uri gukinirwa hagati mu kibuga abasore ba Gaadiidka FC bagerageza gushaka uburyo binjira mu rubuga rwa APR FC
2’APR FC itangiye umukino neza isatira cyane ndetse inahita ibona koroneri iterwa na Apam ariko umuzamu arayifata
