Antonio Conte ntakiri umutoza wa Chelsea
Umutoza w’umutariyani Antonio Conte yirukanwe muri Chelsea aho yari amaze imyaka ibiri akaba yaranagize sezo nziza agatwara igikombe cya shampiyonya cya 2016/2017.
Conte yirukanwe bisa naho abantu benshi bari babizi hategerejwe umunsi gusa ngo uyu mugabo ave i Stamford Bridge kuko hagiye havugwa ibihuha byinshi yuko azirukanwa nyuma yo kurangiza ku mwanya wa gatanu mu mwaka w’imikino wa 2017/2018.
Conte yemeye kureka amezi 12 yari asigaye mu masezerano yari afite yo gutoza Chelsea, hari amakuru ava imbere muri Chelsea avuga ko mugenzi we w’umutaliyani watozaga Napoli, Maurizio Sarri ariwe uzamusimbura.
Kuri uyu wa gatatu, Aurelio De Laurentiis yari yatangaje ko Sarri ari mu biganiro na Chelsea ngo ajye kuyitoza, ndetse ko abanyamategeko bo ku mpande zombi bari mu biganiro ngo barangize byose.
Ikipe ya Chelsea niyo itari yagura umukinnyyi n’umwe mu gihe andi makipe bahanganiye muri shampiyona y’ubwongereza ari kugenda agura abakinnyi batandukanye, ariko Chelsea yanze kugura kandi batarashyiraho umutoza.
