Amafoto-Liverpool FC ihabwa amahirwe yo kwegukana Premier league imaze gutsindira Tottenham iwayo
Ikipe ya Liverpool ihabwa amahirwe yo kwegukana igikombe cya shampiyona y’Abongereza y’uyu mwaka, yakomeje urugendo rwayo ijya gutsindira Tottenham Hot Spur i Wembely.
Ibitego 2-1 Liverpool ikuye i Londres mu murwa mukuru ni byo biyifashije kugumya kuyobora urutonde rwa shampiyona n’amanota 15, mu gihe hamaze gukinwa imikino itanu yonyine ya shampiyona.
Byumvikana ko iyi kipe y’umutoza Jurgen Klopp nta mukino n’umwe iratakaza kuva shampiyona yatangira.
Umuholandi Georgino Wijinaldum ni we wafunguye amazamu ku munota wa 39, ku gitego yatsinzwe n’umutwe.
Igitego cya kabiri cya Liverpool cyabonetse ku munota wa 64 gitsinzwe na Roberto Firmino, ku mupira wari ukaswe na Sadio Mane.
Ikipe ya Liverpool yabonye impozamarira ku munota wa 3 muri itanu y’inyongera yari ishyizwe ku mukino, igitego cyatsinzwe n’umunya-Argentina Eric Lamela.
