Abaherwe ba Facebook na Twitter bagiye guterana ibipfunsi
Abanyemari bakomeye mu bijyanye n’lkoranabuhanga mu isi Elon Musk uyobora Twitter na Mark Zuckerberg washinze Facebook biteguye guterana ibipfunsi mu ruhame.
Elon Musk uzwiho kutaripfana, yatangaje ko yiteguye kurwana mu ruhame na Zuckerberg washinze Facebook, mu gihe yamwemerera.
Mark usanzwe asa n’umuntu ucecetse cyane, abinyujije kuri Instagram yahise asubiza Musk amusaba kumubwira aho bazarwanira, ubundi rukambikana.
Abafana ku mpande zombi bakomeje kuburana ku mbuga nkoranyambaga bavuga ko biteguye kwishyura ikiguzo icyo aricyo cyose bakihera ijisho, uburyo abagwizatungo batana mu mitwe.
