UCL: Manchester City iri gukoza imitwe y’ intoki ku gikombe cy’ amakipe yabaye aya mbere iwayo i Burayi
Kuri Stade Etihad none ku wa 17 Gicurasi 2023 habereye umukino w’ ishiraniro wahuzaga Manchester City na Real Madrid. Ni umukino abenshi bitaga ko ari Final yaba yaje mbere ariko umukino ukaba ushoje bikiranuye kuko umukino urangiye Manchester City itsinze ibitego bine ku busa bwa Real Madrid.
Manchester City yashimishije abafana bayo cyane ko yanakiniraga mu rugo kuko ubwo yaherukaga gusura Real Madrid yanganyije igitego kimwe ku kindi. Ibitego bya Manchester City byatsinzwe na Bernando Silva ku munota wa 23 na 37, Militao wa Real Madrid yitsinze igitego ku munota wa 67 na Julian Alvarez washyizemo igitego cy’ agashinguracuma ku munota wa 91.
Manchester City imaze kwitabira Champions League inshuro cumi n’ ebyiri ariko ntabwo iratwara iri rushanwa kuva 2011/2012. Ikaba igeze Final aho izacakirana na Intel Milan imaze gutwara iki gikombe inshuro eshatu kuko mu 1964 yatsinze final 3-1 Real Madrid, mu 1965 igatsinda Intel Milan 1-0 Benfica no mu 2010 igatsinda 2-0 Bayern Munich.
Ese Umutoza wa Manchester City Pepe Guadiola aratwara indi Champions League kuko yari afite izindi ebyiri yatwaranye na Barcelona mu 2008/2009 na 2010/2011 ? Reka dutegereze uko umukino wa nyuma wa Champions League uzagenda muri Kamena 2023.
