Tombola ya Champions League: Man Utd ihuye na PSG, Christiano we asubira aho yakoreye amateka
Kuri uyu wa mbere tariki ya 17 Ukuboza habaye tombola y’uko amakipe yageze muri 1/8 cya Champions League azahura, Manchester United yatomboye Paris Saint-Germain mu gihe Liverpool yatomboye Bayern Munich.
Ni tombola yaberaga ku cyicaro cya UEFA giherereye I Nyon mu Busuwisi.
Tottenham yo mu bwongereza izacakirana na Borussia Dortmund. Manchester City yatomboye Schalke 04 yo mu budage, ibi bivuze ko amakipe atatu muri ane yo mu bwongereza yakatishije itike azakina n’ayo mu budage.
Ikindi cyabaye muri iyi tombola ni uko Cristiano Ronaldo azagaruka mu mujyi wa Madrid yakoreyemo amateka kuko ikipe ye ya Juventus yatomboye Atletico Mdrid.
Real Madrid iheruka gukora amateka igatwara ibikombe 3 bya Champions League byikurikiranya, yatomboye Ajax yo mu Buholandi, Barcelona itmbora Lyon , Roma itombora FC Porto.
Guhera mu 2005, Manchester United ntiyari yagatsinzwe n’ikipe yo mu Bufaransa, ibi bishobora guhinduka cyangwa Jose Mourihno akagumishaho aka gahigo.
Muri rusange amakipe azahura atya muri 1/8 cya UEFA Champions league.
