Rutahizamu mushya wa Rayon Sports ntari mu bakinnyi 24 iyi kipe yatanze muri CAF
Nyuma yo gutandukana n’abakinnyi batandukanye ndetse ikinjiza abandi bashya, Rayon Sports yamaze gutanga abakinnyi 24 izifashisha mu mikino ya CAF Champions League batarimo rutahizamu mushya wo muri Nigeria baherutse gusinyisha.
Rayon Sports yatandukanye n’abakinnyi barimo Ndayisenga Kassim, Nyandwi Sadam, Eric Tuyishime Congolais, Donkor Prosper Kuka, Mudeyi Suleiman na Mugisha Francois Master , mu gihe yinjije abarimo Rugwiro Herve, Kimenyi Yves, Iranzi Jean Claude, Nshimiyimana Amran, Sekamana Maxime na Nizeyimana Mirafa bavuye muri APR FC.
Hari kandi Iragire Saidi na Ciiza Hussein Mugabo bavuye muri Mukura VS, Runanira Amza wavuye muri Marines, Yannick Bizimana wavuye muri AS Muhanga, Ndizeye Samuel na Irakoze Saidi bavuye i Burundi, Olokwei Commodore wavuye muri Ghana na rutahizamu w’Umunya-Nigeria, Samuel Ifeanyi Nwosu Chukwudi utari ku rutonde rw’abakinnyi 24 batanzwe muri CAF.
Uretse aba bakinnyi 14 baguzwe bashya, Rayon Sports yanazamuye abana babiri bavuye mu bato ari bo Niyomwungeri Mike ukina mu kibuga hagati n’umunyezamu Nsengiyumva Emmanuel.
Urutonde rw’abakinnyi 24 Rayon Sports yatanze muri CAF
1. Kimenyi Yves
2. Iragire Saidi
3. Rutanga Eric
4. Rugwiro Hervé
5. Nshimiyimana Amran
6. Nizeyimana Mirafa
7. Ulimwengu Jules
8. Ciza Hussein
9. Commodore Olokwei
10. Mugisha Gilbert
11. Irakoze Saidi
12. Iradukunda Eric
13. Runanira Hamza
14. Irambona Eric
15. Habimana Hussein
16. Iranzi Jean Claude
17. Bikorimana Gérard
18. Bizimana Yannick
19. Sekamana Maxime
20. Ndizeye Samuel
21. Niyomwungeri Mike
22. Kakule Mugheni Fabrice
23. Nsengiyumva Emmanuel
24. Mazimpaka André
