Real Madrid yihariye imyanya mu kipe y’umwaka ya UEFA

Ikipe ya Real Madrid ni yo yihariye imyanya myinshi ku rutonde rw’abakinnyi 18 beza baranze umwaka w’imikino wa 2017/18 ku mugabane w’Uburayi, aho iyi kipe y’i Madrid ifitemo abakinnyi 8 bose.

Ni nyuma y’uko iyi kipe yegukanye UEFA Champions league ya 13 mu mateka yayo, itsinze 3-1 Liverpool yo mu Bwongereza ku mukino wa nyuma wabereye i Kiev muri Ukraine.

Kuri uru rutonde rwakozwe n’ishyirahamwe ry’umupira w’amaguru ku mugabane w’uburayi UEFA, hanagaragaraho abasore batatu ba Liverpool yakinnye ku mukino wa nyuma na Real Madrid, babiri ba AS Roma, babiri ba Bayern Munich, umwe wa Manchester city ndetse n’umwe wa FC Barcelona.

Muri rusange 18 baranze uyu mwaka w’imikino ni aba:

Abazamu: Kaylor Navas(Real Madrid) na Allison Becker(AS Roma)

Abakina inyuma: Sergio Ramos(Real Madrid), Virgil Van Dijk(Liverpool), Georgio Chiellini(Juventus), Raphael Varane(Real Madrid), Joshua Kimichi(Bayern Munich) na Marcelo Jr(Real Madrid).

Abakina hagati: Casemiro(Real Madrid) Toni Kroos(Real Madrid), James Rodriguez(Bayern Munich) Luka Modrich(Real Madrid) na Kevin De Bruyne(Manchester City)

Abataka: Mohamed Salah(Liverpool) Eden Dzeko(AS Roma), Roberto Firmino(Liverpool), Christiano Ronaldo(Real Madrid) na Lionel Messi(FC Barcelona).