Rayon Sports yapfunyikiye Mukura VS&L amenyo y’ifoke (Fork)

05/11/202305/11/2023 Kwizera Robby

Rayon Sports yakiriye Mukura VS&L kuri Kigali Pele Stadium aho umukino warangiye iyitsinze ibitego 4-1.

Muri uyu mukino w’umunsi wa 10 wa shampiyona Rayon Sports yafunguye amazamu kare ku gitego cyatsinzwe na Muhire Kevin ku munota wa 7.

Rayon Sports yakomeje kugenda itakaza imipira cyane byatumye Ku munota wa 32 Iradukunda Elie Tatou yishyurira Mukura.

Igice cya mbere cyarangiye amakipe yombi anganya igitego 1-1.

Igice cya kabiri cyatangiye Rayon Sports ishaka gutsinda igitego cya kabiri ibigeraho ku munota wa 62 ibifashijwemo na Aruna Madjaliwa ku mupira yahawe na Kalisa Rashid.

Ku munota wa 81 Luvumbu yatsinze igitego cya gatatu cya Rayon Sports kuri penaliti yakoreye kuri Joackiam Ojera.

Mvuyekule Emmanuel Manu yatsinze igitego cya 4 cya Rayon Sports mu minota 7 yongewe kuri 90.

Ibitego 4 mu mukino nibyo byinshi Rayon Sports itsinze muri uyu mwaka w’imikino 2023/24.

Abarundi Madjaliwa na Manu bagiye mu ikipe y’igihugu batsinze ibitego byabo bya mbere muri Rayon Sports

Ikipe ya APR FC yari yasuye Muhazi United I Ngoma iyitsinda ibitego 2-1 bya Victor MBAOMA ku munota wa 43 na Kwitonda Alain ku munota wa 76.Igitego cy’impozamarira cya Muhazi cyatsinzwe na Twizerimana Onesme ku munota wa 24.