Mahombi yatangije gahunda yo gutabariza abana ba Congo

Umuhanzi ukomoka muri Repubulika Iharanira Demokarasi ya Congo ariko  wibera mu gihugu cya Sweden , Mahambi yatangije gahunda  yo gutabara abanye-Congo bugarijwe n’ikibazo cy’Imirire mibi n’inzara, muri gahunda ye yise ‘IloveCongo’.

Mahombi mu kunoza iyi gahunda ye yahuje imbaraga na WFO (World Food Program) ishami ry’umuryango wabibumbye ryita ku mirire ndetse na  UNICEF, yifashisha aya mashami yombi mu gutanga ifunguro rinoze ku banye-Congo mu rwego rwo kurwanya ipfu z’abana 160,000 bapfa buri mwaka bishwe n’imirire mibi ndetse n’inzara muri kiriya gihugu nk’uko imibare itangwa na UNICEF ibigaragaza.

Mahombi  mu butumwa burebure yashyize ku rukuta rwa Instagram  yashishikarije abanye-Congo n’abandi bamukurikira kugira urukundo rwo gufasha abana ba Congo- Kinshasa  bicwa n’inzara ndetse n’ikibazo cy’imirire mibi,  Yagize ati

“Amazina yanjye ni twa Mohombi Moupondo, ndi umuturage wa Congo , nejejwe no kumenyesha ko kampanye yanjye ya “iLove Congo” yamaze kugera hanze , Nkabanye-Congo dufite guhaguruka  tukarwanya imiririre mibi  n’inzara mu gihugu cyacu , gerageza nawe urebe abana 160.000 bari munsi y’imyaka 5  bapfa buri mwaka  bazize imirire mibi n’inzara nk’uko UNICEF ibitangaza , Uri umunye-Congo, ndi umunye-Congo twese dufite izo nshingano , tugomba gutangira ubungubu ,reka twihurize hamwe duhurize hamwe imbaraga zacu mu gushyiraho umuryango w’ubumwe  uzafasha ishami ry’umuryango wabibumbye ryita ku mirire  WFP mu kurwanya inzara…..”

Uyu muhanzi ufite Se w’umunyecongo naho nyina akaba akomoka muri i Stockholm muri Sweden akaba ari naho Mahombi yavukiye , anarahakurira ndetse akaba ari naho akorera ibikorwa bye bya muzika byamugize icyamamare mu ruhando rwa muzika ku Isi.

Mahombi yakunzwe mu ndirimbo nyinshi yakoze  zitandukanye nka , Bumpy Ride(2011), In Your Head (2011), Coconut Tree (2011),  Zonga mama yakoranye na Fally Ipupa (2017), Infinity (2017) . Mr Loverman (2018), n’izindi nyishi …