Cristiano Ronaldo yaciye agahigo gakomeye mu irushanwa rya Euro kuva ryabaho
Igihangage mu mupira w’amaguru ku Isi, Cristiano Ronaldo akomeje kwesa uduhigo mu mupira w’amaguru kuko yatsinze ibitego 2 muri 3-0 Portugal yatsinze Hongria ahita aba umukinnyi umaze gutsinda ibitego byinshi mu mikino ya Euro kuva yabaho.
Ronaldo uri gukina Euro ku nshuro ya 5,yatsinze ibitego 2 uyu munsi bituma yuzuza ibitego 11 amaze gutsinda muri iri rushanwa aho yahise arusha ibitego 2 Michel Platini banganyaga.
Ronaldo yafashije Portugal gutsinda Hongria ibitego 3-0 bigoranye kuko igitego cya mbere cyabonetse ku munota wa 83 gitsinzwe na Raphael Guerreiro mu gihe kuwa 87,uyu rutahizamu yahawe penaliti yakorewe kuri Rafa Silva ayinjiza neza hanyuma mu minota y’inyongera.
Muri uyu mukino wo mu itsinda F,stade ya Puskas Arena yarimo barenga ibihumbi 60,000 by’abafana bategereje igitego iminota 83 yose.
Uyu rutahizamu wa Juventus w’imyaka 36,yakabaye yatsinze ibitego 3 ariko umupira yahawe na Bruno Fernandes asigaranye n’izamu awutera hanze.
Ronaldo niwe mukinnyi wa mbere ukinnye Euro 5 ni nawe wa mbere utsinze igitego muri za Euro 5 zitandukanye.
