Cassa Mbungo Andre yabonye insinzi ya mbere muri AFC Leopards
Casa Mbungo André, umunyarwanda utoza ikipe ya AFC Leopards mu kiciro cya mbere muri Kenya yatsinze umukino we wa mbere nyuma y’imikino igera kuri itanu yari amaze adatsinda.
Ibi yabigezeho tariki 02 Werurwe 2019, atsinda ikipe ya Sony Sugar igitego 1-0 cyatsinzwe na Wai Yeka wahoze mu ikipe ya Musanze ku munota wa 48 ku mupira yari ahawe neza na Whyvonne Isuza.
Iyi nsinzi yatabaye Casa wageze muri iyi kipe mu byumweru bitatu bishize atsindwa na Nakumatt 2-1, Gor Mahia 2-0, Ulinzi Stars 1-0, Mathare 2-0.
Ni amanota ya mbere iyi kipe yanabonye mu gihe yatsinzwe imikino irindwi iheruka gukina. Iyi tsinzi yatumye AFC Leopards iva mu murongo utukura aho kuri ubu iri ku mwanya wa 15 n’amanota 13 irusha inota rimwe andi makipe ayikurikiye. AFC Leopards mu mukino ukurikira izahura na Tusker ya kane ku rutonde rwa shampiyona tariki 09 Werurwe.
