Carabao Cup: Manchester City inyagiye Burton Albion ica agahigo yaherukaga mu myaka 31 ishize
Manchester City yongeye guca agahigo ko gutsinda ibitego birenze 8 mu mukino umwe, mu mukino wo guhatanira igikombe cya Carabao Cup wayihuzaga na Burton Albion itigeze ibasha kwinjiza igitego na kimwe.
Ni umukino wa kimwe cya kabiri cy’irangiza wabereye kuri Sitade ya Manchester City izwi nka Etihad Stadium.
Muri uyu mukino hanagaragayemo agashya ko kuba umukinnyi umwe rukumbi w’iyi kipe Gabriel Jesus yabashije gutsinda ibitego 4 wenyine ndetse akanagira uruhare ku bindi bitego byatsinzwe na bagenzi be.
Ku ruhande rwa Manchester City, ibashije gutsinda uyu mukino warangiye ifite ibitego 9-0, byari biyoroheye cyane kuko yafunguye amazamu ku munota wa 5 w’igice cya mbere ku gitego cy’umutwe cyatsinzwe na Kizigenza Kevin de Bruyne.
Abandi bakinnyi bunganiye Gabriel Jesus na Kevin de Bruyne kunyagira Burton Albion ni Oleksandr Zinchenko, Phil Foden, Kyle Walker na Riyad Mahrez.
Man City itsinze ibitego 9-0 bituma yongera gusubira mu guca agahingo ko gutsinda ibitego birenga 8 mu mukino umwe,yaherukaga gukora mu myaka 31 ishize ubwo yihanangirizaga Huddersfield Town iyitsinze ibitego 10-1 mu Gushyingo 1987.
Ibi bivuze ko Man City irangajwe imbere n’umutoza Guardiola, imaze gutsinda ibitego 16 mu mikino 2 nyuma yo gutsinda Rotherham United ibitego 7-0 mu mikino ya FA Cup iheruka gukina ku Cyumweru gishize.
Biteganyijwe ko umukino wo kwishyura uzaba kuwa Gatatu taki 23 Mutarama 2019, kuri Pirelli Stadium mu gihe umukino wa nyuma wo guhatanira igikombe(Finali) uzaba ari ku Cyumweru taliki 24 Gashyantare 2019.
Iki gikombe cya Carabao Cup cyaherukagwa kwegukanwa na Tottenham Hospurs igitwaye Chelsea mu mukino warangiye ari igitego 1-0, gikomotse kuri Penaliti yatewe na Harry Kane.Uyu mukino nawo wabereye kuri Sitade ya Wembley.
