Bahati wo muri Just Family yakoze impanuka
Bahati wo muri Just Family wari uherutse mu bitaro kubera indwara y’umutima, ubu yongeye gusubira yo kubera impanuka yakoreye i Nyamirambo mu ijoro ryo kuri uyu wa gatatu tariki ya 16 Kanama 2018.
Uyu musore yakoze impanuka ari kuri moto, moto yari imutwaye yagonganye n’indi baragwa ndetse akaboko karangirika bituma ajyanwa mu bitaro i Nyamirambo.
Asobanura uko byagenze, Bahati yagize ati :”Narindi kuri moto i Nyamirambo ahazwi nko kuri LP mu masaha y’umugoroba, nibwo nagiye kubona mbona moto narindiho igonganye n’indi moto, kuri ubu ndi mu bitaro i Nyamirambo kugeza ubu ikibazo cya mbere mfite ni ukuboko kwavunitse.”
Uyu musore wafatwaga nk’uyoboye itsinda rya Just Family agiye mu bitaro nyuma y’umwuka mubi uvugwa hagati yabo ndetse Chris akaba yaramaze gusezera muri iri tsinda ndetse akanatangaza ko mu gihe uyu Bahati atarahinduka cyangwa ngo arivemo , Just family ntaho izagera.
