Azam FC yatsinze Simba SC yegukana CECAFA ku ncuro ya 2 yikurikiranya-Amafoto
Ikipe ya Azam FC yaraye yegukanye irushanwa rya CECAFA Kagame Cup ryaberaga i Dar Es Salaam mu gihugu cya Tanzania, nyuma yo gutsinda ku mukino wa nyuma Simba Sports Club ibitego 2-1.
Ikipe ya Azam FC ni yo yafunguye amazamu ku munota wa 32 w’umukino ibifashijwe na kabuhariwe Shaban Idd Chilunda, ku gitego yatsinze n’umutwe ku munota wa 32 w’umukino.
Kagere Meddie umaze kwigarurira imitima ya benshi mu bafana ba Simba Sports Club yishyuye iki gitego ku munota wa 62 w’umukino, mbere y’uko Agrey Moris arangiza akazi ka Azam ku munota wa 69 w’umukino.
Ibi bitego 2-1 byafashije ikipe ya Azam kwegukana iri rushanwa ku ncuro ya kabiri yikurikiranya, nyuma yo kuryegukana mu 2016 itsinze ku mukino wa nyuma Gor Mahia yo muri Kenya ibitego 2-0.
Iyi Gor Mahia ku rundi ruhande ni yo yegukanye umwanya wa gatatu muri CECAFA Kagame Cup y’uyu mwaka, nyuma yo gutsinda JKU yo muri Zanzibar ibitego 2-0.
