Amafoto y’umukobwa wemereye kubera Rusheshangonga Michael umugore

Kuri uyu wa kabiri tariki ya 23 Nyakanga 2019, ni bwo Rusheshangoga Michel yasezeranye imbere y’amategeko na Nakazungu Aimé bakunda kwita Njungu, aho ubukwe buzaba tariki ya 26 Nyakanga 2019.

Umuhango wo gusezerana imbere y’amategeko wa Rusheshagoga Michel na Nakazungu wabaye mu gitongo cyo kuri uyu wa Kabiri tariki ya 23 Nyakanga 2019.

Rusheshangoga Michel myugariro wa AS Kigali na Nakazungu Aimé bamaze imyaka itanu bakundana, guhera mu mwaka wa 2014 kugeza uyu mwaka wa 2019.

Tariki 26 Nyakanga saa 14:30’ hazaba umuhango wo gusaba no gukwa i Kanombe muri Queen Land Park.

Mu gihe tariki ya 27 Nyakanga 2019 ubukwe buzakomeza ku isaha ya saa 14:00’ bajya gusezerana imbere y’Imana mu rusengero rwa Foursquare Gospel Church ruhererye Kimironko.

Ku wa Kabiri tariki ya 2 Mata 2019 ni bwo uyu musore wakiniraga ikipe ya APR FC, yasohoye ubutumire bw’ubukwe na Nakazungu Aimée.

Rusheshangoga Michel w’imyaka 24 yatangiriye umupira w’amaguru mu Isonga FA mu 2011-2012. Yaje gukomereza umupira muri APR FC yakinnyemo imyaka itanu (2012-2017) nyuma yerekeza muri Singida United (2017-2018). Yaje kuva muri Singida United asubira muri APR FC (2018) mbere yo kuyivamo mu mpera z’umwaka w’imikino 2018-2019 agana muri AS Kigali. Kuva mu 2012 ni bwo Rusheshangoga yatangiye guhamagarwa mu ikipe y’igihugu nkuru y’Amavubi.