Amafoto y’ubukwe bwa Rutamu Elie Joe

Rutamu Elie Joe uri mu banyamakuru bakoze igihe kinini mu gisata cy’imikino, yasohoye amafoto y’ubukwe bwe agaragaza ibice bitandukanye byaranze ubukwe bwe n’umukunzi we Nyinawabeza Rebecca yambitse impeta amuhamiriza ko amukunda by’ikirenga.

Ni ubukwe Rutamu Elie Joe yakoze mu ibanga n’umukunzi we Nyinawabeza bwabaye ku wa Gatandatu tariki 06 Nyakanga . Ifoto ya mbere yasohotse, igaragaza Rutamu n’umukunzi we bagaragiwe n’ababaherekeje barimo n’abana ku munsi wabo w’amateka.

Guhera icyo gihe nta yindi foto yagaragaye yerekana uko aba bombi bakoze ibirori byo kubana akaramata, kuri uyu wa kane tariki 11 Nyakanga 2019 nibwo Rutamu yashyize uruhererekane rw’amafoto ku rubuga rwa Facebook na Instagram, yirinda kugira byinshi atangaza. N’amafoto agaragaza akanyamuneza kuri bombi bashyigikiwe n’inshuti n’abavandimwe.