Amafoto yaranze umukino Portigal yasezerewemo na Uruguay
Ikipe y’igihugu ya Portigal yaraye iteye ikirenge mu cya Argentina, na yo isezererwa mu mikino y’igikombe cy’isi ikomeje kubera mu Burusiya, nyuma yo gutsindwa na Uruguay 2-1 mu mukino wa 1/8 cy’irangiza.
Ikipe ya Uruguay ni yo yafunguye amazamu ibifashijwemo na Edinson Cavani ku munota wa 07 w’umukino, ku mupira yari ahawe na Luis Suarez.
Iki gitego ni na cyo cyajyanye amakipe yombi kuruhuka.
Portigal yaje kwishyura iki gitego ku munota wa 55 ibifashijwemo na Kepler Lima(Pepe), ku mupira yari ahawe na Raphael Guerrero ukina inyuma ibumoso.
Nyuma y’iminota 7 Edinson Cavani yongeye kureba mu izamu rya Portigal, bifasha Uruguay kurangiza umukino iri imbere n’ibitego 2-1, inabona Ticket ya 1/4 cy’irangiza aho igomba kwesurana n’Ubufaransa bwasezereye Argentina ku bitego 4-3.
