Amafoto-Rayon Sports yasohoye imyambaro izakoresha mu mwaka w’imikino utaha
Ikipe ya Rayon Sports yamaze gusohora imyambaro ibiri izakoresha mu mikino izakina mu mwaka w’imikino wa 2018/2019.
Muri iyi myambaro harimo ugizwe n’imipira y’ubururu(ifite imirongo ibiri y’umweru itambitse ku nda)ndetse n’amakabutura y’ibara ry’ubururu(Afite imirongo y’umweru imanuye ku ruhande.) uyu mwambaro ni wo ikipe ya Rayon Sports izajya ikoresha mu mikino yakiniye mu rugo.
Undi mwambaro ugizwe n’imipira y’umweru dede (irimo imirongo y’ubururu) ndetse n’amakabutura y’umweru arimo imirongo y’ubururu, uyu akaba ari wo mwambaro Rayon Sports izajya iserukana mu gihe yasuye.
Iyi myambaro kandi iherekejwe n’ibikapu by’ubururu ndetse n’amatiriningi y’ubururu abakinnyi bagomba kujya ku kibuga bambaye.
