Abanyamerika bivuganye abarwanyi 62 b’umutwe w’iterabwoba wa Al-Shabaab
Ingabo za Leta zunze ubumwe za Amerika zigambye ibitero byahitanye abarwanyi 62 b’umutwe w’iterabwoba wa Al-Shabaab ugendera ku mahame akarishye y’idini rya Islam.
Itangazo ryasohowe n’igisirikare cya Amerika, rivuga ko ku wa gatandatu w’icyumweru gishize ingabo z’iki gihugu zagabye ibitero bine ku nyeshyamba za Al- Shabaab, bakicamo abarwanyi 32. Izi ngabo zongeye kugaba kuri uyu mutwe ibindi bitero bibiri ejo ku cyumweru, bigwamo abandi barwanyi 28.
Ibi bitero ni byo bya mbere biguyemo abarwanyi benshi ba Al-Shabab, kuva muri 2017 ubwo Abanyamerika batangazaga ko bishe abarwanyi b’uyu mutwe 100.
Amakuru avuga ko nta musivili wigeze atakariza ubuzima muri ibi bitero byagabwe n’Abanyamerika ku bufatanye n’ingabo za leta ya Somalia.
Kugeza ubu umutwe w’iterabwoba wa Al-Shabaab ushamikiye kuri Al-Qaeda ntacyo uratangaza kuri biriya bitero byahitanye benshi mu barwanyi bawo.
Leta zunze ubumwe za Amerika zimaze igihe ziha leta ya Somalia umusada wo kurwanya Al-Shabaab, nyuma y’uko mu 1993 uyu mutwe w’iterabwoba wahitanye abasirikare 16 b’umutwe wihariye w’ingabo za Amerika(Special Force.)
