Abanyarwanda 3 ku rutonde rw’abahatanira igihembo cy’umukinnyi mwiza muri Afurika

Mu bakinnyi 15 bahatanira gihembo gihabwa umukinnyi uhiga abandi ku mugabane wa Afurika mu mukino wo gusiganwa ku magare , urutonde rwagaragayeho abakinnyi batatu b’abanyarwanda bamaze iminsi bitwara neza.

Kuri uru rotonde harimo Areruya Joseph umunyarwanda ukinira ikipe ya Delko Marseille DTM, Mugisha Samuel uheruka gutwara Tour du Rwanda 2018 na   Uwizeyimana Bonaventure umunyarwanda watwaye Tour du Cameroun.

Abakinnyi 15 bakomoka muri Afurika bazatorwamo uwahize abandi mu mwaka w’imikino 2018 kuri uyu mugabane. Uzatsindira iki gihenbo azamenyekana kuwa 21 Ukuboza 2018.

Twabibutsa ko iki gihembo cyatangiye gutangwa mu 2012 kimaze gutwarwa n’abakinnyi batandukanye barimo Natnael Berhane wagitwaye mu 2012, Louis Meintjes (2013 na 2017), Mekseb Debesay (2014), Daniel Teklehaimanot (2015), Tesfom Okubamariam (2016).

Urutonde rwashyizwe hanze nyuma yuko abategura isiganwa rya La Tropicale Amisa Bongo bicaye bagateranya amanota bashyira hanze abakinnyi 15 bab’abanyafurika bahagaze neza kuri uyu mugabane bazavamo umukinnyi mwiza ku mugabane w’Afurika.

Akanama nkemura mpaka kayobowe na Bernard Hinault umugabo watwaye Tour de France inshuro eshanu (5)

Urutonde rw’ abakinnyi 15 bazavamo uwuzahabwa iki gihembo:

-ARERUYA Joseph (Rwanda – Delko-Marseille)

-CISSE Isiaka (Ivory Coast)

-DE BOD Stefan (South Africa – Dimension Data for Qhubeka)

-GHEBREIGZABHIER Amanuel (Eritrea – Dimension Data)

-HENDRICKX Clint (South Africa – Bike Aid)

-IMPEY Daryl (South Africa – Michelton-Scott)

-KAMZONG Clovis (Cameroon)

-KIPKEMBOI Salim (Kenya – Bike Aid)

-KUDUS Merhawi (Eritrea – Dimension Data)

-LAGAB Azzedine (Algeria – GSP)

-MUGISHA Samuel (Rwanda-Dimension Data for Qhubeka)

-MULUBRHAN Henok (Eritrea)

-REGUIGUI Youcef (Algeria- Sovac)

-SORGHO Mathias (Burkina Faso)

-UWIZEYIMANA Bonaventure (Rwanda)