Diamond Platnumz n’umukunzi we baritegura umwana w’umuhungu
Nyuma y’iminsi myinshi bivugwa ko Tanasha Donna , umukunzi wa Diamond Platnumz yaba atwite aba bombi bakirinda kugira icyo babivugaho, kuri ubu Diamond Platnumz yatangaje ko we n’umukunzi we bitegura kwibaruka umwana w’umuhungu mu mezi abiri ari imbere.
Ibi byabaye mu birori byo kwizihiza isabukuru y’amavuko ya Tanasha, uyihuje na nyirabukwe, Sandra Nasura [Mama Dangote] nyina wa Diamond Platnumz yahishuye ko umukunzi we atwite umwana w’umuhungu.
Uyu azaba ari umwana wa kane Diamond abyaye nyuma ya babiri ya yabyaranye na Zari n’undi umwe yabyaranye na Hamissa Mobeto.
“Nagira ngo ntangaze ku mugaragaro ko twitegura umwana. Hashize amezi arindwi harabura nk’andi abiri kugira ngo umuryango wacu ubone undi mwana twizera ko azaba imbaraga z’igihugu.”
Tanasha Donna utwite inda ya Diamond , hari amakuru avuga ko umuryango w’umukobwa wari warasabye Tanasha kwirinda gutwita inda ya Diamond batarakora ubukwe ngo kuko nawe nawe ntacyizere ko yamengenza nkabandi akazamuta nyuma yo kumubyarira.
Urukundo rwa Diamond na Tanasha rwatangiye rufite umurego udasanzwe kuko bari bapanze gukora ubukwe tariki 14 Gashyantare 2019 birangira babwimuriye mu gihe kitaratangazwa.
