Bwa mbere idafite Cristiano na Zidane, Real Madrid yatakaje igikombe kiruta ibindi i Burayi
Mu ijoro ryo kuri uyu wa Gatatu tariki ya 15 Kanama 2018, Real Madrid yakinnye irushanwa rya mbere itari kumwe na Zidane wayihozemo ndetse na rutahizamu wayo Cristiano Ronaldo inatakaza igikombe kiruta ibindi i Burayi ‘Super Cup’.
Hari mu mukino wahuje Real Madrid yatwaye Champions League na Atletical Madrid yatwaye icya Europa League, imyaka 43 yari ishize nta makipe yo mu mujyi umwe ahuriye kuri iki gikombe guhurira kuri iki gikombe , yarangije umukino banganya ibitego 2-2 bagiye mu minota 30 y’inyongera Atletical itsinda Real Madrid ibitego 2 umukino urangira ari 2-4.
Atletical Madrid ibifashijwemo na Diego Costa wayitsindiye ibitego bibiri, yahise itwara iki gikombe ku makosa bashinja umutoza wa Real Madrid yakoze mu gusimbuza abakinnyi.
Ku ruhande rwa Atletical Madrid, Diego Costa ni we wafunguye amazamu ku munota wa mbere w’umukino, Karimu Benzema acyishyura ku munota wa 27, Sergio Ramos atsinda icya 2 kuri penaliti ku munota wa 63, Diego Costa yongera kubabaza Real Madrid ku munota wa 79 iminota 90 irangira ari 2-2 ariko mu minota y’inyongera Saul Niguez na Koke batsindira Atletical Madrid ibitego 2.
