Thailand: Umuhungu wa 9 muri 12 baheze mu buvumo amaze kurokorwa

Mu gihugu cya Tailand abahungu 12 bakinira ikipe y’abana yitwa Wild Boars baheze mu buvumo buherereye mu majyaruguru y’iki gihugu,   kuri ubu hamaze kurokorwamo abahungu icyenda mu gihe abandi basigaye bakiri gushakishwa n’inzego zishinzwe ubutabazi Thai Navy SEALS.

Nyuma y’iminsi  ibiri gusa abashinzwe ibikorwa by’ubutabazi batangiye gukora , bamaze kurokora abana 8 gusa mugihe ku munsi wa mbere ku wa 9 Nyakanga bahise barokora 4 gusa,  ubundi bafata ikiruhuko kugira ngo ibikoresho bibika umwuka wo guhumeka bihindurwe.

Ibitaro byo muntara ya Chiang Rai mu majyaruguru y’iki gihugu bitangaza ko aba bahungu bane barokowe ku munsi wo ku cyumweru  bamaze kumerwa neza.

Aba bahungu 12 n’umutoza wabo baheze muri ubwo  buvumo ku itariki ya 23 y’ukwezi gushize kwa Kamena nyuma yaho imvura nyinshi yaguye mugace gahereyemo ubu buvumo igateza imyuzure yanageze muri ubwo  buvumo. Ariko mu cyumweru gishize, abahanga mu byo koga bibira hasi mu mazi  babasanze aba bahungu ari  bazima hahita hatangira ibikorwa by’ubutabazi imvura itarakomeza kwiyongera bagaheramo burundu.

Amakuru y’iteganyagihe muri kiriya gihugu avuga ko hitezwe indi mvura nyinshi mu minsi iri imbere, aba bahanga mu koga bibira barasabwa gukora bihuse iki gikorwa imvura nyinshi iteganyijwe itabasanga kitarangiye.

Aba bahungu n’umutoza wabo baheze mu buvumo amazina yabo ni

Chanin Vibulrungruang  w’imyaka 11, Chanin Vibulrungruang, w’imyaka 11 (bamuhimba Titan),  Panumas Sangdee, w’imyaka 13 (bamuhimba Mig), Duganpet Promtep, y’imyaka 13  (bamuhimba Dom) ninawe  kapiteni w’ikipe yabo yitwa “The Wild Boars”,   Somepong Jaiwong, w’imyaka 13(bamuhimba Pong),   Mongkol Booneiam, w’imyaka 13 (bamuhimba Mark),  Nattawut Takamrong, w’imyaka 14 y’amavuko (bamuhimba Tern) Ekarat Wongsukchan, w’imyaka 14 (bamuhimba Bew),   Adul Sam-on, w’imyaka 14, Prajak Sutham, w’imyaka 15  (bamuhimba Note), Pipat Pho,w’imayaka 15 (bamuhimba Nick)  – Pornchai Kamluang, w’imyaka 16 (bamuhimba Tee)  – Peerapat Sompiangjai, w’imyaka 17 (bamuhimba Night) ubwo aba bahungu baburirwaga irengero wari umunsi w’isabukuru ye y’amavuko,

Umutoza wungirije Ekapol Chantawong (bahimba Ake), w’imyaka 25 y’amavuko – yandikiye ibaruwa imiryango y’aba bahungu ayisaba imbabazi, ariko iyi miryango yamusubije ko itamurenganyiriza ibyabaye