Umunyarwanda yegukanye agace ka 6 muri Tour Internationale de Cameroon
Nzafashwanayo Jean Claude yegukanye agace ka gatandatu k’irushanwa Tour internationale de Cameroon akoresheje amasaha 02h03’01” 10”
Agace ka gatandatu muri rusange gasa na kahiriye abanyarwanda dore ko muri 15 ba mbere hajemo abanyarwanda batatu, Nzafashwanayo Jean Claude waje kumwanya wambere, UWIZEYIMANA Bonaventure aza kumwanya wa munani, naho MANIZABAYO Eric aza ku mwanya wa 14.
UWIZEYIMANA Bonaventure niwe munyarwanda uza hafi ku rutonde rusange rw’agateganyo, aho amaze gukoresha 20h57’53” hakaba harimo ikinyuranyo cy’ umunota umwe n’amasegonda 16, n’uyoboye iri rushanywa.
SNH VELO CLUB niyo kipe iyoboye iri rushanwa kugeza ku ubu gace ka gatandatu, Gusa ikipe y’igihugu y’u Rwanda iri ku mwanya wa Gatandatu.
Agace ku uyu munsi gasize umunya Cameroon KAMZONG ABOSSOLO Clovis ayoboye urutonde by’agateganyo, aho amaze gukoresha 20h56’37” akurikiwe n’umunya Morocco BDADOU Youssef we umaze gukoresha 20h56’52”.
