Umunya-Kenya wigeze guca agahigo mu gusiganwa metero ibihumbi 10 ku Isi, yishwe n’abagizi ba nabi

Tirop Agnes Jebet ,warahagarariye igihugu cya Kenya mu Mikino Olempike ya Tokyo 2020, yapfuye afite imyaka 25 kuri uyu wa Gatatu, aho bivugwa ko yatewe icyuma asanzwe iwe mu rugo.

Amakuru ava mu binyamakuru bitandukanye byo muri Kenya avuga ko yasanzwe afite ibikomere by’ibyuma mu nda.

Pereza Uhuru Kenyatta yasabye Polisi y’igihugu gukora iperereza kucyahiranye uyu mukobwa war icyitegererezo kubakobwa ba Kenya.

Uyu Agnes Tirop yatwaye umudali w’umuringa mu gusiganwa metero ibihumbi 10 muri Shampiyona y’Isi ya 2017 n’iya 2019 mu gihe yabaye uwa kane mu gusiganwa metero 5000 mu Mikino Olempike ya Tokyo.

Tirop wegukanye umudali wa bronze muri shampiyona y’Isi inshuro ebyiri, mu 2017 na 2019, mu kwiruka metero 10,000 ndetse akaba yaranegukanye irushanwa rya World Cross Country championship mu 2015, yasanzwe mu rugo iwe yapfuye ndetse anafite ibikomere ku nda.

Barnaba Korir uyobora Ishyirahamwe ry’imikino ngororamubiri mu gace ka Nairobi, yatangaje aya makuru y’urupfu rwa Agnes rwabereye mu gace ka Iten, Elgeyo Marakwet County.

Biravugwa ko Tirop Agnes Jebet ashobora kuba yishwe n’umugabo we babanaga, dore ko ngo bari bamaze igihe bafitanye amakimbirane ariko baranze kubishyira mu buyobozi.

Yakoze amateka yo kugabanya amasegonda 28 ku gahigo ko ku rwego rw’Isi ubwo yari mu irushanwa rya Adizero- Road to Records mu gusiganwa metero ibihumbi 10.

Muri iryo rushanwa ryabereye mu Budage, Agnes Tirop yakoresheje iminota 30 n’isegonda rimwe, byari ibihe bito ugereranyije n’iminota 30 n’amasegonda 29 byaherukaga gukoreshwa n’Umunya-Maroc Asmae Leghzaoui mu 2002.

Gusa uyu muhigo waje gukurwaho n’Umunya-Bahraine Kalkidan Gezahegn tariki ya 4 Ukwakira ubwo yakoreshaga iminota 29 n’amasegonda 38 mu isiganwa rya Giants Geneva. Tirop yabaye uwa kabiri, akurikirwa na mugenzi we, Celliphine Chespol.

Tirop yegukanye umudali wa Bronze inshuro ebyiri muri shampiyona y’Isi