Nyuma yo gukira imvune Santi Cazorla yasubiye iwabo muri Espagne
Santiago Gonzalez Cazorla wari umaze igihe kirekire ari umukinnyi wa Arsenal yamaze kwerekeza muri Villa Real yo muri Espagne, nyuma y’uko Arsenal yemeye kumurekura ngo agende.
Kuri uyu wa kabiri ni bwo ikipe ya Villa Real ibicishije kuri Twitter yayo yatangaje ko uyu musore yayisubiyemo ku ncuro ya gatatu.
“Uyu munsi dufite ikintu cy’ingenzi cyo kubabwira kuko ari igihe cyo kongera kubona umuntu ukunzwe n’aba Groguets(Abafana ba Villa Real). Kaze neza nanone Santi Cazorla.”
Cazorla yari amaze igihe kirekire adakinira Arsenal, nyuma y’imvune ikomeye yagize mu Ukwakira 2016.
Biteganyijwe ko uyu musore azaba umukinnyi w’iyi kipe byemewe n’amategeko ku wa 01 Nyakanga, ubwo isoko ry’igura n’igurisha ku mugabane w’Uburayi rizaba ryafunguye imiryango.
