Ibifashijwemo na Messi, Barcelona ivanye ishema kwa Real Madrid
Ibintu bitari bisanzwe ko umukino uhuza ikipe ya Barcelona na Real Madrid muri Esipanye uba hakiri kare, ku isaha ya saa munani kuri uyu wa gatandatu tariki ya 23 Ukuboza 2017, Barcelona niyo itashye yishimye mu gihe Real Madrid itashye ikubita agatoki kukandi.
Real Madrid nk’ikipe yari yakiriye Barcelona , yabanje kwerekana igikombe cy’isi cyamakipe akina Shampiyona yatwaye muri uyu mwaka , umukino wahise utangira maze Real Madrid itangira isatira cyane Barcelona dore ko Christiano watangiye umukin afite imbaraga cyane ndetse akaba yakinaga asatira izamu ariko aciye kuruhande yaje gutsinda igitego n’umutwe mu minota 7 yambere ariko umusifuzi aracyanga avuga ko habayeho kurarira.
Amakipe yombi yakomeje kugenda ahanahana umupira ariko ubona Real Madrid yari iri murugo ikaba ariyo icishamo ukabona ko isatira cyane doreko hageze mu minota 30 y’umukino Barcelona itaratera mu Izamu rya Real Madrid maze igice cya mbere kirangira ari 0-0.
Benshi batangiye kwibwira ko uyu mukino ushobora kuragira ari 0-0 ariko siko byagenze kuko Barlecelona yatangiye igice cya kabiri isatira cyane izamu rya Keylor Navas maze kumunota wa 54 w’umukino Luis Alberto Suárez Díaz atsindira Barcelona igitego cya mbere.
Real Madrid yasigaye ifite akazi ko kwishyura ariko ukabona ko bitanagoye maze Benzema akajya akunda guhusha ibitego cyane ariko kandi kurundi ruhande na Christiano ntibyamukundiye kuko yahushije ibitego byabaga byabazwe.
Ku munota wa 63 Barcelona yabonye ikindi gitego cya kabiri cyatsinzwe na Lionel Messi kuri Penaliti yakozwe na Daniel Carvajal nyuma y’igitutu bari batewe imbere y’izamu aho Messi yarahaye Suarez umupira mwiza , yawutera mu izamu Carvajal akawukuzamo intoki. Messi yahise yuzuza ibitogo 50 muri Barcelona uyu mwaka wa 2017. Messi yabikoze mu myaka ya 2017 kubitego 50, mu 2016 kubitego 51, mu 2014 kubitego 50, mu 2012 yatsinze ibitego 79, mu 2011 yatsinze 55 no mu 2010 aho yatsinzeibitego 58.
Iki gitego cyabaye nko gukoza agati mu ntozi kuko kumunota wanyuma w’umukino Barcelona yabonye igitego cya gatatu cyatsinzwe na Aleix Vidal maze umukino uhita urangira.
