Congo: Komisiyo y’amatora yatangaje itariki y’amatora

Komisiyo y’igihu y’amatora muri repubulika iharanira demokarasi ya Congo yatangaje ko amatora y’umukuru w’igihugu azaba mu kwezi kw’ ukuboza 2018.

Icyi cyemezo cyafashwe na komisiyo y’amatora ntabwo cyigeze gishimisha amashyaka atavuga rumwe na leta ya Congo yifuzako  Perezida Joseph Kabila ava ku butegetsi.

Amatora yari yarashyizwe muri uyu mwaka hashingiwe ku masezerano leta ya Kinshasa yari yagiranye n’amashyaka atavuga rumwe na Leta  mu mwaka wa 2016.

Komisiyo yamatora  yisubiyeho ku cyemezo bari barafashe maze amatora bayimurira kuya 23 ukuboza 2018 kuberako mbere bari batangaje ko amatora yumukuru w’igihugu azaba  muri 2019 .

Abatavuga rumwe na Leta bahise bamagana iyi tariki banatangazako badashoborakwemera imyanzuro yafashwe niyi komisiyo.

Bavuze ko Perezida Kabila ategerezwa kuva ku butegetsi byanze bikunze mbere yuko uyu mwaka urangira .

Augustin Kabuya, umuvugizi wa UDPS (Union pour la Démocratie et le Progrès Social) yagize iti: “T Twanze itariki y’amatora yatangajwe, icyo twifuza muri iki gihe nuko Kabila ava kubutegetsi bitarenze tariki ya 12 ukuboza 2017.”

Abinyujije kuri Twitter, Moise Katumbi nawe yamaganye iyi   tariki yamatora yagize ati:”Ntitwemera iyo tariki, Kabila agomba kuhava.”

Biteganijweko perezida mushya wa Repubulika iharanira demokarasi ya Congo azarahira kuya 12 mutarama 2019.

Moise Katumbi utavuga rumwe na Leta ya Congo yamaganye itariki y’amatora
Akoresheje twitter nuku yanditse

Comments

comments