Urupfu rwa Jenerali wa Iran Qasem Soleimani, inyungu ikomeye ku barwanyi ba ISIS

Umutwe wiyita ko ushaka gushinga ubutegetsi bushingiye ku ‘idini rya Isilamu, Etat Islamique, uwishimiye cyane  urupfu rwa Jenerali Qasem Soleimani wa Iran, wari uhagarariye ingabo zidasanzwe za Quds zishinzwe kurinda abakomeye muri Iran.

Uyu mutwe wavuze ko uripfu rw’uyu mujenerali, Imana yarushyizeho ku bw’inyungu zawo.

Uyu mutwe wavuze ibi usa naho ntacyo ushaka gutangaza kuri Amerika yagabye igitero cyahitanye Soleimani ku italiki ya 3 Muatarama 2020.

Iyo ngingo ya Perezida Donald Trump yo kwica Jenerali Soleimani yagize ingaruka mbi nyinshi – imwe muri zo ikaba yerekeye intambara na Etat Islamique itari byakarangiyee.

Ibikorwa hafi ya byose byari biyobowe na Amerika byo kurwanya Etat Islamique muri Irak byatangiye guhagarara.

Amerika n’inshuti zayo batangaje ko igikorwa nyamukuru cyabo ko kwari ukubanza kwivuga umwanzi.

Abayobozi ba gisirikare bo babona ko takundi byagombaga kugenda.

Irani hamwe n’imitwe icuditse nayo muri Iraq barahiriye ko bagomba kuzihorera kuri Amerika yabiciye Jenerali biturutse ku gisasu cya Misile cyatewe na Drone yabo  Soleimani akahasiga ubuzima mu cyumweru gishize.

Ibyo bituma ingabo za Amerika muri Iraq, hamwe n’iza Bulaya zisanzwe zifatanije nabo, sisa n’izigiye mu kaga.

Ibi rero byabaye umunezero ukomeye kuri Etat Islamique, kuko iboneyeho uburyo bwo kongera kwiyubaka nyuma y’aho itsindiwe mu ntambara.

Ni inkuru nziza kandi kuri uwo mutwe w’iterabwoba kumva ko inama nshingamateka ya Iraq yemeje ingingo yo kwirukana ku butaka bw’icyo gihugu ingabo za Amerika.

Etat Islamique imaze igihe igerageza kwiyubaka.

Ibitero bikomeye mu 2016 na 2017 byatumye uwo mutwe utakaza ibirindiro byawo byose muri Iraq na Syria.

Abarwanyi benshi barishwe, abandi bafatwa munyago. Hagati aho, ibyo ntibyatumye uwo mutwe ugenda buheriheri.

Uracyagaragara mu bwahoze ari uburere bwayo muri Irak na Syria, aho ugenda wumvikanaho ibikorwa bya hato na hato byokwica abantu.

Iraq irafite ingabo z’igisirikare n’igipolisi zidasanzwe, cyane cyane izigishijwe n’abanyamerika hamwe n’abanyabulaya bari bagiye gufasha mu ntambara yo kurwanya Etat Islamique.

Kuva Soleimani yicwa, Amerika yahagaritse kwigisha izo ngabo, mbere ihagarika n’ibitero. Eka na Dannemark hamwe n’Ubudage byakurikiyeho.

Hariho ikindi Etat Islamique yishimiye. Igihe Perezida Trump afata icyemezo cyo kwica Soleimani, byari ibirori kuri Etat Islamique kubona umwe mu bansi bayo, ariwe perezida wa Amerika, yica uwundi mwansi wayo.

Muri 2014, abo barwanyi ba ki isilamu niho batangije intambara, bigarurira ibice binini bya Iraq, harimo Mossoul, igice kinini kigize Iraq.

Umukuru w’aba Shiites muri Iraq, Ayatollah Ali al-Sistani, yahamagariye abanyagihugu gufata intwaro bakarwanya intagondwa z’aba Suni.

Ubu abo barwanyi bahora bashigikiwe na Irani binjijwe mu gisirikare cya Iraq, naho abakuru muri bo baba abanyepolitike bakomeye cyane.

Mu myaka yakurikiye 2014, Leta Zunze Ubumwe za Amerika n’abo barwanyi bari basangiye gahunda.

Amerika na Iran byatangiye kurebana ay’ingwe kuva Trump yabahagarika gukomeza gukora ibisasu bya Nicleur muri 2018.

Mbere y’urupfu rwa Soleimani, abarwanyi b’aba Shiites bari batangIye gutera Abanyamerika.

Igitero cyakozwe mu mpera z’ukwa 12 umwaka ushize wa 2019 ku kirindiro kiri mu burasirazuba bwa Iraq cyahitanye umukozi umwe w’umunyamerika, ibyatumye Amerika yica abarwanyi bagera kuri 25 b’umutwe witwa Kataib Hezbollah mu bitero by’indege.

Umukuru wabo, Abu Mahdi al-Muhandis, yari yagiye gutegera Soleimani ku kibuga cy’indege i Baghdad, akaba yarajyaniranye nawe mu modoka imwe.

Mu ijambo ry’ibyishimo mu kinyamakuru ca Etat Islamique cyitwa al-Naba, uwo murtwe wavuze ko Soleimani na al-Muhandis biciwe mu maboko “y’incuti” zabo – ushaka kuvuga Amerika.

Icyo kinyamakuru kivugira ko ari abanzi ba Etat Islamique bamaranye, ibyo nabyo bikayiha ingufu mbere bakaharbonera n’uburyo.

Umutwe wa Etat Islamique wemeza neza ko kuba Amerika yarahitanye Jnereli wa Irani , Suleimani ari inyungu zikomeye ku kwiyubaka kwabo.

Abarwanyi b’aba Shia (Shiite) bashigikiwe na Iran baragize uruhara rudasanzwe mu kurwanya Etat Islamique

Comments

comments