Ukwigumura kwa Wydad Casablanca kwatumye Esperance de Tunis yegukana CAF Champions league

Ikipe ya Esperance de Tunis yo muri Tunisia yaraye yegukanye igikombe cya kane cya CAF Champions league, nyuma yo gutsinda Wydad Casablanca yo muri Maroc igitego kimwe ku busa, mu kukino wa kabiri wo kwishyura.

Ni nyuma y’umukino ubanza amakipe yombi yari yahuriyemo kuri Stade Prince Moulay Abdellah i Rabat, ukarangira amakipe yombi anganyije igitego kimwe ku kindi.

Umukino wo kwishyura wabereye kuri Stade Olympique y’i Rades i Tunis, gusa ntiwarangira kubera ko abakinnyi ba Wydad Casablanca bigumuye bikarangira bavuye mu kibuga. Intandaro yabaye iy’uko Umunya-Gambia Bakary Papa Gassama yari amaze kwanga igitego bari bamaze gutsinda.

Ni igitego cyari gitsinzwe na Walid El Karti ku munota wa 58 w’umukino.

Nyuma yo gutegereza amasaha abiri yose bikarangira Wydad Casablanca yanze kugaruka mu kibuga, ikipe ya Esperance de Tunis yahise ishyikirizwa igikombe. Byabaye ngombwa ko na Perezida wa CAF Ahmad Ahmad yinginga abakinnyi ba Wydad, ariko birangira banze kugaruka mu kibuga.

Nyuma y’umukino, Kapiteni wa Wydad Casablanca Khalil El Shamam yabwiye beINSports ko mbere y’umukino umusifuzi yari yababwiye ko VAR ifite ibibazo, gusa akaba atigeze abyumva.

Esperance de Tunis yisubije iki gikombe, nyuma y’igitego yari yatsindiwe ku munota wa 41 na Mohamed Belaili.

Comments

comments

Hirwa Patrick

Hirwa Patrick is a writer of Teradignews.rw since October 2021. He studied Journalism and Communication at University of Rwanda, School of Journalism and Communication.