UEFA Champions League: Cristiano yongeye kwegukana igihembo, muri tombola ikipe ye ijya mu itsinda ry’urupfu

Ku mugoroba wo kuri uyu wa kane tariki 24 kanama 2017 nibwo habaye tombola y’uko amakipe azahura mu gikombe cya UEFA Champions league 2017.

Amatsiko yari menshi ku bakunzi ba ruhago ndetse bamwe agatima niho kahoraga bibaza uko iyi tombola izagenda n’uko amakipe azahura, iyi tombola yabaye uyu munsi yabereye mu nyubako ya Grimaldi Forum mu Mujyi wa Monaco mu Bufaransa.

Hari harimo benshi mu bakanyujijeho muri ruhago ndetse uyu muhango wayobowe na bamwe mu bakanyujijeho nka  Andriy Shevchenko na Francesco Totti.

Ikipe ya Real Madrid yatwaye iki gikombe umwaka ushize iri mu itsinda ry’urupfu aho izahura na Borussia Dortmund ndetse na  Tottenham, ikipe zitoroshye zizahangayikisha iyi y’igihangange ikinwamo na kizigenza Cristiano Ronaldo.

Amakipe yose uko ari 32 aturuka mu bihugu 17 byo ku mugabane w’i Burayi. Imikino ibanza mu matsinda izakinwa tariki ya 12-13 Nzeri isozwe mu Ukuboza 2017. Hakozwe amatsinda umunani , buri tsinda rigizwe n’amakipe ane.

Uko amatsinda ameze mu  irushanwa rihuza amakipe  yabaye aya mbere  iwayo ku mugabane w’Iburayi ameze (UEFA CHAMPIONS LEAGUE 2017-18) :

- Itsinda A: Benfica (Portugal), Manchester United (u Bwongereza), FC Basle (u Busuwisi) na CSKA Moskva (u Burusiya)

- Itsinda B: Bayern München (u Budage), Paris Saint-Germain (u Bufaransa), Anderlecht (u Bubiligi), Celtic (Scotland)

- Itsinda C: Chelsea (u Bwongereza), Atlético Madrid (Espagne), AS Roma (u Butaliyani), Qarabağ (Azerbaijan)

- Itsinda D: Juventus (u Butaliyani), Barcelona (Espagne), Olympiacos (u Bugiriki), Sporting CP (Portugal)

- Itsinda D: Spartak Moskva (u Burusiya), Sevilla (Espagne), Liverpool (u Bwongereza), Maribor (Slovenia)

- Itsinda D: Shakhtar Donetsk (Ukraine), Manchester City (u Bwongereza), Napoli (u Butaliyani), Feyenoord (u Buholandi)

- Itsinda D: Monaco (u Bufaransa), Porto (Portugal), Beşiktaş (Turikiya), RB Leipzig (u Budage)

- Itsinda D: Real Madrid (Espagne), Borussia Dortmund (u Budage), Tottenham Hotspur (u Bwongereza), APOEL (Cyprus)

Hatanzwe ibihembo kuri bamwe mu bakinnyi bitwaye neza aho Cristiano Ronaldo ukinira Real Madrid ufite inkomoko muri  Portugal yabaye rutahizamu witwaye neza mu bagabo naho mu bagore akaba Lieke Martens ukinira Barcelona akaba afite inkomoko muri Netherlands.

Gianluigi Buffon ukinira Juventus yabaye umunyezamu witwaye neza, muri ba myugariro bitwaye neza uwaje ku isonga ni  Sergio Ramos ukinira Real Madrid , mu  bakina hagati Luka Modric ukinira Real Madrid yaje abarangaje imbere.

Real Madrid yatwaye igikombe cya Champions League cya 2016 , niyo yihariye ibihembo hafi ya byose mu byatanzwe.

Francesco Totti ari mu bayoboye tombola
Andriy Shevchenko, Uefa ambassador for Kiev, where the 2018 final will be played, poses with Old Big Ears before the draw
Andriy Shevchenko
Sergio Ramos yabaye myugariro witwaye neza
Gigi Buffon yabaye umunyezamu witwaye neza
Lieke Martens niwe wabaye umugore witwaye neza

 

Cristiano yabaye rutahizamu wahize abandi
Amatsinda amakipe yatomboye

Comments

comments